مشاريع منظمة
كل مشروع بصفحته
شقة التجمع، فيلا الشيخ زايد، عيادة أكتوبر — كل مشروع له صفحة فيها العميل والعنوان والحالة والصور وكل حركة فلوس. ومورّدينك وصنايعيتك ليهم صفحات بتاريخ تعاملاتهم. مفيش حاجة تتوه.
إدارة مشاريع التشطيب — كل شغلك في مكان واحد
مُعمّر مش برنامج محاسبة مكتبي ولا نظام شركات كبيرة. اتعمل لمهندس التشطيب اللي شغله في الموقع وحساباته لازم تمشي معاه.
سجل مدفوعات العميل
مدفوعات العميل بالتاريخ
قبضت دفعة تحت الحساب؟ سجّلها في ثانية. المدفوع والمتبقي واضحين ليك وللعميل — ومفيش «أنا افتكرت إني دفعت».
المصروفات بالصورة — ومتقسمة على البنود
كل جنيه له مكان وصورة
فاتورة السباكة، يوميات النقاشين، مشتريات المعرض — صوّر وسجّل من الموقع (صور، فيديو، أو مستندات). وكل مصروف بتحدد بنده — كهرباء، سباكة، نقاشة، محارة — والتطبيق يجمعلك كل بند لوحده، تعرف كل بند واخد قد إيه. وآخر المشروع تصدّر كشف حساب كامل PDF — مش ليلة لملمة فواتير.
الأرباح أول بأول
اعرف الحسبة طالعة معاك ولا عليك — قبل ما المشروع يخلص
في زمن الخامات اللي بتغلى كل شهر، اللي بيعرف أرقامه في النص بيلحق يظبط. مُعمّر بيحسبلك مصروفاتك ومدفوعاتك وربحك أول بأول — وبيدعم طرق حساب الربح المختلفة: نسبة، أو مبلغ ثابت، أو مقاولة بسعر متفق عليه.
بوابة العميل
عميلك شايف — من غير ما يتصل
ابعت دعوة لعميلك على إيميله، يدخل يشوف مشروعه هو بس: الفلوس والصور، أول بأول — ويقدر يصدّر كشف حسابه بنفسه PDF. وإنت المتحكم: بتحدد لكل مشروع العميل يشوف إيه. المكالمات بتقل، والثقة بتزيد. صفحة كاملة عنها: العميل شايف ←
فريقك معاك
صلاحيات لكل حد على قده
مهندس معاك في الموقع؟ محاسب بيراجع؟ اديله دور — مشرف أو موظف — بصلاحيات إنت بتظبطها. كل حد يشوف ويعمل اللي يخصه بس.
مش لاقي اللي محتاجه؟
التطبيق لسه بيكبر — واللي بيحدد اتجاهه هم المهندسين اللي شغالين بيه. قولنا على اللي ناقصك، ولو دي طريقة الشغل الحقيقية في السوق — بتاخد أولوية في خطة الشغل.
قولنا على تليجرامبالعربي. بالمصري. على الموبايل. من غير تعقيد الأنظمة المكتبية.
انضم للنسخة التجريبية مجانية — بدعوة، على آيفون وأندرويد